Ռուսաստանը կշարունակի աշխատել Լեռնային Ղարաբաղի շուրջ ստեղծված իրավիճակի կարգավորման ուղղությամբ: Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Ռուսական կողմը հետևողականորեն շարունակում է իր աշխատանքը և Բաքվի, և Երևանի հետ: Մենք կշարունակենք դա անել նաև հետագայում»,- ասել է նա՝ ի պատասխան ԱՄՆ Պետդեպարտամենտի՝ Լաչինի միջանցքը անհապաղ բացելու անհրաժեշտության մասին հայտարարությունը մեկնաբանելու խնդրանքի:
Դմիտրի Պեսկովի խոսքով՝ ներկայումս կողմերի հետ մշակվում են տարբեր տարբերակներ։
Ռուսաստանի ղեկավարի մամուլի քարտուղարը նաև հիշեցրել է Լեռնային Ղարաբաղ հասած հումանիտար օգնության առաջին խմբաքանակի մասին, որը առաքվել է ռուսական կողմից։
