Իրանի ԱԳՆ
պաշտոնական ներկայացուցիչ Էսմաիլ Բաղային հայտարարել է, որ Իսլամական
Հանրապետությունը իրական հնարավորություն է տալիս դիվանագիտությանը, չնայած Վաշինգտոնի ագրեսիվ հռետորաբանությանը։ Նա այս մասին գրել է X-ում:
«Մենք ամբողջ լրջությամբ և որոշակի զգուշությամբ դիվանագիտությանը տալիս ենք հնարավորություն։ ԱՄՆ-ն պետք է գնահատի այս որոշումը, որը կայացվել է նրանց մշտական ագրեսիվ հռետորաբանության ֆոնին»,- նշել է Բաղաին։
Նրա խոսքով՝
Թեհրանը մտադիր է գնահատել ամերիկյան կողմի վարքագիծն ու դիրքորոշումը շաբաթ օրվա
հանդիպման ժամանակ և միայն դրանից հետո տալ պատասխան։
Իրանի և ԱՄՆ-ի միջև խորհրդակցությունների առաջին փուլը նախատեսված է ապրիլի
12-ին, Օմանում։ Իրանի պատվիրակությունը կգլխավորի արտգործնախարար Աբաս Արաղչին,
իսկ ԱՄՆ պատվիրակությունը՝ նախագահի հատուկ ներկայացուցիչ Սթիվեն Ուիթքոֆը։
