ԱՄՆ
նախագահ Դոնալդ Թրամփը հայտարարել է, որ Իրանի ղեկավարությունն այժմ ուզում է
Վաշինգտոնի հետ երկխոսություն վարել ոչ թե միջնորդների, այլ ուղիղ
բանակցությունների միջոցով։
Ինչպես հաղորդում է ՏԱՍՍ-ը, Թրամփն այս մասին հայտնել է երեկ լրագրողների հետ զրույցում՝ Վաշինգտոնից Մայամի (Ֆլորիդա նահանգ) մեկնելիս։
«Կարծում եմ՝ ավելի լավ կլինի, եթե մենք ուղիղ բանակցություններ ունենանք,- ասել է Թրամփը։- Կարծում եմ՝ դա ավելի արագ կլինի, և դուք շատ ավելի լավ կհասկանաք
մյուս կողմին, քան միջնորդների միջոցով գործելու
դեպքում»,- ասել է ԱՄՆ նախագահը։
Այնուհետև
Թրամփը հավելել է. «Նրանք (իրանցիները) ցանկանում էին օգտագործել միջնորդների: Չեմ
կարծում, որ դա հիմա պարտադիր է: Կարծում եմ, որ նրանք անհանգստացած են: Կարծում
եմ՝ նրանք իրենց խոցելի են զգում, և ես չեմ ուզում, որ նրանք այդպես զգան: Ենթադրում
եմ, որ նրանք ուզում են հանդիպել»:
Հարցին՝ Իրանի իշխանություններից նոր ուղերձ ստացե՞լ է, Սպիտակ տան ղեկավարը
ուղիղ պատասխան չի տվել: «Կարծում եմ՝ նրանք կցանկանային ուղիղ
բանակցություններ վարել։ Մոռացեք նամակների մասին: Կարծում եմ՝ ուզում են ուղիղ
խոսել»:
Հիշեցնենք, որ
Թեհրանը մերժել է միջուկային ծրագրի շուրջ Վաշինգտոնի հետ ուղիղ բանակցությունների
անցկացումը, բայց հնարավոր է համարել բանակցությունների շարունակությունը
միջնորդների միջոցով:
