ԱՄՆ նախագահ Դոնալդ Թրամփը երկրում արտակարգ դրություն է հայտարարել առևտրային դեֆիցիտի պատճառով, որը սպառնում է երկրի ազգային անվտանգությանը։

«ԱՄՆ-ի առևտրային դեֆիցիտը անսովոր և արտասովոր վտանգ է ներկայացնում ԱՄՆ-ի ազգային անվտանգությանն ու տնտեսությանը: Այս սպառնալիքի աղբյուրը ամբողջությամբ կամ զգալի չափով Միացյալ Նահանգների սահմաններից դուրս է, հիմնական առևտրային գործընկերների ներքին տնտեսական քաղաքականության և համաշխարհային առևտրային համակարգի կառուցվածքային անհավասարակշռության մեջ»,- ասել է նա:

Թրամփը նշել է, որ ԱՄՆ-ի և աշխարհի երկրների միջև երկկողմ առևտրային հարաբերություններում «բացակայում է փոխադարձության» սկզբունքը: Նա անհամեմատելի է անվանել «տարիֆային դրույքաչափերը և ոչ տարիֆային արգելքները, ինչպես նաև ԱՄՆ առևտրային գործընկերների տնտեսական քաղաքականությունը», որոնք, ըստ ԱՄՆ նախագահի, «ճնշում են ներքին աշխատավարձը և սպառումը»:

ԱՄՆ նախագահը նշել է, որ «չնայած փոխադարձության մեր հանձնառությանը, Միացյալ Նահանգների և նրա առևտրային գործընկերների միջև առևտրային հարաբերությունները չափազանց չհավասարակշռված են դարձել, հատկապես վերջին տարիներին»:

 CNN-ը նշում է, որ արտակարգ դրության հայտարարումը Թրամփին ավելի մեծ լիազորություններ է տալիս մաքսատուրքերի նկատմամբ։ Ապրիլի 2-ին ԱՄՆ նախագահը հայտարարել է տասնյակ երկրների համար 10-ից 50% «հայելային» մաքսատուրքերի մասին՝ այն անվանելով «տնտեսական անկախության հռչակում»։ Միջոցառումները ուժի մեջ կմտնեն ապրիլի 9-ից, իսկ մինչ այդ՝ ապրիլի 5-ից, այլ երկրների նկատմամբ կսկսի գործել բազային 10 տոկոս մաքսատուրքը։