«Հատկանշական է, որ ներկայումս դոլարի կուրսը տատանվում է շուրջ 410-415-ից մինչև 420 դրամի շրջանակում։ Սա տնտեսագիտության տեսանկյունից կարելի է բացատրել երեք հանգամանքով։ Առաջինը արտահանման աճն է, երբ երկիրը արտահանում է մեծ թվով ապրանքներ, բնականաբար ավելի շատ արժույթ է  գալիս երկիր, և այդ համատեքստում կոնկրետ արժույթի առաջարկը գերազանցում է ազգային արժույթի պահանջարկին, և առաջանում է դրամի իջեցում դոլարի նկատմամբ»,- Civic.am-ի հետ զրույցում ասաց տնտեսագետ Համլետ Մկրտչյանը։ 

Տնտեսագետի խոսքով՝ մյուսը ներկրումներն են և օտարերկրյա  ներդրումներն ու տրանսֆերտները. այս համատեքստում Հայաստանի պարագայում հենց դա է մեծ ազդեցություն ունեցել։ 

Նա նաև նշեց, որ եթե դիտարկենք ռուս-ուկրաինական պատերազմով պայմանավորված՝  ռուս, ուկրաինացի և բելառուս մեր շատ գործընկերների ժամանումը ՀՀ, միանշանակորեն կարող ենք պնդել, որ նրանք, բացի բիզնես հետաքրքրություններ հետապնդելուց, նաև այստեղ են որպես սպառողներ, և նրանց համախառն սպառմանը խթանելն ըստ էության բերել է դոլար-դրամ հարաբերության այսպիսի տեսքի։ 

Խոսելով նաև գնաճի մասին՝ տնտեսագետն ասաց, որ կան օբյեկտիվ և սուբյեկտիվ պատճառներ. «Եթե դիտարկենք ՀՀ-ի ներկայիս գնաճային վիճակը, կարող ենք փաստել, որ թե հարևան երկրների, թե տարածաշրջանի, թե  ԵԱՏՄ երկրների համեմատ Հայաստանում գնաճն ամենացածրն է»։   

Մանրամասները՝ տեսանյութում

Լիլիթ Թադևոսյան