ՀՀ վարչապետ Նիկոլ Փաշինյանի Մոսկվա այցի ամսաթվի շուրջ դեռևս պայմանավորվածություն չկա, սակայն կա պայմանավորվածություն, որ այն կկայանա մոտ ժամանակներս, հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Ամսաթիվը դեռևս կոնկրետ որոշված ​​չէ։ Նախագահի և վարչապետի միջև, ինչպես նախկինում, կա ըմբռնում և պայմանավորվածություն, որ այդ այցը կկայանա մոտ ժամանակներս»,- այսօր լրագրողներին ասել է Պեսկովը։

Կրեմլի ներկայացուցիչը կրկին նշել է, որ Ռուսաստանը հարգանքով է վերաբերվում Հայաստանի ինքնիշխան իրավունքներին, սակայն Երևանը պետք է ընտրություն կատարի ԵՄ-ի և ԵԱՏՄ-ի միջև հարցում։ «Եվ շատ կարևոր է, որ ԵԱՏՄ անդամ երկրներից մեկը հակասության մեջ չմտնի մեզ բոլորիս համար կարևոր այս ինտեգրացիոն միավորման կանոնների, նորմատիվների և սկզբունքների հետ»,- ընդգծել է Պեսկովը։