Ռուս և հայ երիտասարդները կարող են
հսկայական դեր խաղալ երկու երկրների միջև հարաբերությունների ամրապնդման գործում,
ճեպազրույցի ժամանակ ասել է Ռուսաստանի ԱԳՆ պաշտոնական ներկայացուցիչ Մարիա Զախարովան։
«Մեր պետությունները բազմազգ են։ Ռուսաստանը
բազմազգ է, Հայաստանում ապրում են տարբեր
ազգությունների ներկայացուցիչներ։ Ուստի եկեք համենայնդեպս խոսենք երկու երկրների
երիտասարդության մասին։ Այո, նրանք կարող են հսկայական դեր խաղալ։ Նախ կարող են
լինել մեր երկրների միջև խաղաղ համակեցության և բարեկամության, լավագույն հարաբերությունների
զարգացման կողմնակիցներ»,- ասել է Զախարովան։
«Երիտասարդները պետք է իմանան և հիշեն, որ
ծնվել են ամբողջական սերունդներ, որոնք չեն առանձնացնում իրենց երկու երկրների
մշակույթներից և իրենց համարում են, իհարկե, իրենց ծնողների զավակներ, բայց միաժամանակ
երկու ժողովուրդների, երկու մշակույթների զավակներ։ Եվ սրանք եզակի չեն։ Ես ճշգրիտ
տվյալներ կամ վիճակագրություն չունեմ, բայց սրանք հազարավոր մարդիկ են, եթե ոչ
հարյուր հազարավոր կամ նույնիսկ ավելի»,- ասել է ՌԴ ԱԳՆ պաշտոնական
ներկայացուցիչը։
Զախարովան կարծում է, որ այս մարդիկ չեն
հասկանում, թե ինչու են կանգնած արհեստական ընտրության առաջ (կամ Ռուսաստանի հետ, կամ առանց նրա):
Բացի դրանից, դիվանագետը նշել է երկու
երկրների աշխարհագրական մերձությունը. այն կարևոր տրանսպորտային զարկերակ է իրենց
ապրանքներն ու հնարավորությունները Ռուսաստանով և դեպի Ռուսաստան տարածելու համար:
