Մայիսի 13-ին՝ ժամը 17։28-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևան քաղաքի Մովսես Խորենացու փողոցի թիվ 47 հասցեի մոտակայքում ծառը շրջվել է կայանած ավտոմեքենաների վրա:
ՆԳՆ-ից հայտնում են՝ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ ծառն ընկել է չորս տրանսպորտային միջոցի վրա։
Փրկարարները կանաչապատման աշխատակիցների հետ համատեղ ծառը հեռացրել են ավտոմեքենաների վրայից։
