ԱՄՆ նախագահ Դոնալդ Թրամփը հայտարարել է, որ Միացյալ Նահանգները կախված չէ Հորմուզի նեղուցով իրականացվող նավթային մատակարարումներից։
Սպիտակ տնից ազգին ուղղված հեռուստատեսային ուղերձում՝ անդրադառնալով Իրանում ԱՄՆ-Իսրայելական գործողությանը, նա նշել է, որ ԱՄՆ-ը գրեթե նավթ չի ներմուծում այդ երթուղով և ապագայում նույնպես դրա կարիքը չի ունենա։
Թրամփի խոսքով՝ այն երկրները, որոնք օգտվում են Հորմուզի նեղուցից նավթի փոխադրման համար, պետք է իրենք պատասխանատվություն կրեն նավագնացության վերականգնման և անվտանգության ապահովման համար։
«Մենք կօգնենք, սակայն նրանք պետք է առաջատար դեր ստանձնեն այն նավթի պաշտպանության գործում, որից այդքան մեծապես կախված են», – ընդգծել է ԱՄՆ նախագահը։
