Ղրիմում կործանվել է Ան-26 ռազմա-տրանսպորտային ինքնաթիռը, զոհվել են անձնակազմի վեց անդամներ և 23 ուղևորներ: Այս մասին հայտնում է «Ինտերֆաքս»-ը՝ հղում անելով Ռուսաստանի պաշտպանության նախարարությանը։

Ինքնաթիռի հետ կապը կորել է մարտի 31-ին, Մոսկվայի ժամանակով ժամը 18:00-ի սահմաններում, երբ այն պլանային թռիչք էր կատարում բռնակցված Ղրիմի վրայով։ Պաշտպանության նախարարությունն ավելի ուշ հայտարարել է, որ որոնողա-փրկարարական խումբը հայտնաբերել է Ան-26-ի կործանման վայրը։

«Ինքնաթիռը վնաս չի կրել։ Աղետի նախնական պատճառը տեխնիկական անսարքությունն է»,- հայտարարել է գերատեսչությունը։

ՏԱՍՍ-ի աղբյուրը հայտնել է, որ Ան-26-ը մխրճվել է ժայռի մեջ։