ԱՄՆ
նախագահ Դոնալդ Թրամփը այն երկրներին, որոնք Հորմուզի նեղուցի փակ լինելու
պատճառով բախվել են ավիացիոն վառելիքի պակասին, կոչ է արել մատակարարումներն ապահովել
ինքնուրույն՝ միաժամանակ քննադատելով Միացյալ
Թագավորության դիրքորոշումը Իրանի հետ հակամարտության հարցում։
«Բոլոր
այն երկրներին, որոնք չեն կարողանում ավիացիոն վառելիք ստանալ Հորմուզի նեղուցի
պատճառով, ինչպիսին է Մեծ Բրիտանիան, որը հրաժարվեց խառնվել Իրանի ջախջախմանը, ես
առաջարկ ունեմ ձեզ համար. նախ՝ գնեք ԱՄՆ-ից, մենք բավականաչափ ունենք, և երկրորդ՝ ձեռք
բերեք խիզախություն, ուղևորվեք նեղուց և պարզապես վերցրեք այն»,- գրել է Թրամփը
TruthSocial սոցցանցում։
ԱՄՆ
նախագահը նաև հայտարարել է, որ այդ երկրները պետք է սովորեն ինքնուրույն պայքարել
իրենց համար։
«ԱՄՆ-ն
այլևս չի կարող օգնել ձեզ, ինչպես դուք չկարողացաք օգնել մեզ։ Իրանը, ըստ էության,
ոչնչացված է։ Ամենադժվարն արդեն հետևում է։ Գնացեք ձեռք բերեք ձեր սեփական նավթը»,-
հավելել է Թրամփը։
