ԱՄՆ նախագահ Դոնալդ Թրամփը հայտարարել է, որ
Վաշինգտոնն ու Թեհրանը վերջին երկու օրերի ընթացքում «շատ լավ և արդյունավետ
բանակցություններ» են ունեցել, ուստի նա Պենտագոնին հանձնարարել է հինգ օրով
հետաձգել Իրանի էլեկտրակայանների և էներգետիկ ենթակառուցվածքների վրա հարվածները։
Նա այս մասին գրել է TruthSocial սոցիալական ցանցում։
«Ելնելով այս խորը, մանրամասն և
կառուցողական բանակցությունների բնույթից և տոնից, որոնք կշարունակվեն ամբողջ
շաբաթվա ընթացքում, ես պաշտպանության նախարարությանը հանձնարարել եմ հինգ օրով
հետաձգել Իրանի էլեկտրակայանների և էներգետիկ ենթակառուցվածքների վրա ցանկացած
ռազմական հարված՝ ընթացիկ հանդիպումների հաջող ավարտի պայմաններում»,- գրել է նա։
ԱՄՆ նախագահը չի ներկայացրել
բանակցությունների մանրամասները։ Թեհրանը չի մեկնաբանել բանակցությունների մասին
տեղեկատվությունը։
