Ռուսաստանի
կառավարությունը Պետդումա է ներկայացրել օրինագիծ, որը թույլ կտա զորքեր մտցնել այլ
երկրներ՝ «այդտեղ դատարանի որոշմամբ կալանավորված կամ հետապնդվող Ռուսաստանի
քաղաքացիներին պաշտպանելու համար»։ Փաստաթուղթը հրապարակվել է հինգշաբթի՝ մարտի
19-ին, խորհրդարանի ստորին պալատի էլեկտրոնային բազայում։
Օրինագծի
հեղինակների խոսքով՝ դա անհրաժեշտ է «Ռուսաստանի քաղաքացիների իրավունքները պաշտպանելու
նպատակով՝ նրանց կալանքի (պահման),
քրեական կամ այլ հետապնդման դեպքում»՝ հիմնված օտարերկրյա և միջազգային
դատարանների որոշումների վրա, որոնք օժտված են լիազորություններով առանց
Ռուսաստանի մասնակցության կամ իրավասություններով, որոնք հիմնված չեն Ռուսաստանի
հետ միջազգային պայմանագրի կամ ՄԱԿ-ի Անվտանգության խորհրդի համապատասխան բանաձևի
վրա։
Փաստաթուղթը
նախատեսում է, որ արտերկրում ՌԴ քաղաքացիներին պաշտպանելու համար երկրի նախագահի
որոշմամբ հնարավոր է զինված ուժերի արտատարածքային օգտագործում: РБК-ի աղբյուրների
համաձայն՝ Ռուսաստանի կառավարության օրինագծերի հարցերով հանձնաժողովը հավանություն
է տվել նախագծին:
