Աֆղանստանի թալիբները ընդունել են ընտանեկան բռնության մասին օրենք, համաձայն որի՝ տղամարդիկ լիակատար իրավունք ունեն ծեծի ենթարկել իրենց կանանց, եթե դա չի հանգեցնում «լուրջ հետևանքների»։ Այս մասին գրում է Daily Mail տաբլոիդը։
Նոր օրենսդրության համաձայն՝ ամուսինը կարող է բանտարկվել 15 օրով միայն այն դեպքում, եթե կնոջը փայտով ծեծի ենթարկելիս հասցնի ծանր վնասվածքներ։ Սակայն կինը պետք է դատարանում ապացուցի վնասվածքների առկայությունը՝ գտնվելով ամբողջությամբ մարմինը ծածկող հագուստով և իրեն ծեծի ենթարկած ամուսնու կողքին։
Բացի այդ, օրենքն արգելում է երկրի բնակչուհիներին բռնությունից թաքնվել հարազատների մոտ։ Հոդվածներից մեկում նշվում է, որ այն կինը, ով «առանց ամուսնու թույլտվության պարբերաբար հեռանում է հոր տուն և չի վերադառնում՝ չնայած ամուսնու խնդրանքին», կարող է դատապարտվել մինչև երեք ամիս բանտարկության։
