Նախագահ Դոնալդ Թրամփը որոշել է Air Force One-ը դարձնել ավելի «հայրենասիրական»՝ ոչ միայն ոգով, այլև գույնով։ Ըստ որոշ տեղեկությունների՝ ԱՄՆ VIP նավատորմի ինքնաթիռները վերաներկվում են՝ համապատասխանեցնելով դրանք նախագահի նախընտրած գունային սխեմային՝ կարմիր, սպիտակ, մուգ կապույտ և ոսկեգույն։

Նախկինում  ծառայող ինքնաթիռները ներկված էին ծանոթ կապույտ և սպիտակ գույներով, որոնք թվագրվում են Ջոն Ֆ. Քենեդիի վարչակազմին։ Սակայն Թրամփը վաղուց էր ցանկանում թարմացնել այն, և նրա գաղափարն այժմ իրականացվում է ոչ միայն առկա Boeing VC-25B-ների, այլև Կատարի կողմից նվիրաբերված 747-8i-ի, ինչպես նաև ապագա նախագահական նավատորմի համար ներկայումս վերակառուցվող երկու նոր ինքնաթիռների վրա։

CBS News-ի տվյալներով՝ կատարյան ինքնաթիռը նախատեսվում է օգտագործել որպես Air Force One այս ամռանը՝ վերանորոգումների ավարտից հետո։

Թրամփը մի քանի անգամ խոսել է Air Force One-ը վերաներկելու մասին։ Fox News-ին տված հարցազրույցում նա ասել է. «Մենք այն ներկում ենք կարմիր, սպիտակ և կապույտ, ինչպես ամերիկյան դրոշը՝ դա անհավանական է»։