ԱՄՆ նախագահ Դոնալդ Թրամփը խոստացել է, որ Վաշինգտոնում կկառուցվի հաղթական կամար, որը կգերազանցի աշխարհի բոլոր նմանատիպ կառույցներին։
«Վաշինգտոնը աշխարհի միակ խոշոր քաղաքն է, որը չունի հաղթական կամար։ Գիտե՞ք ինչ։ Այս կամարը կգերազանցի մյուս բոլորին», - հայտարարել է ամերիկացի առաջնորդը Սպիտակ տանը կայացած միջոցառման ժամանակ։
Ըստ Թրամփի, կամարի կառուցումը ընթանում է Արլինգտոնի կամրջի՝ Աբրահամ Լինքոլնի հուշարձանի հակառակ կողմում։
«Դա այնքան յուրահատուկ բան է, որ նման կլինի Փարիզում եղածին, բայց, անկեղծ ասած, ամեն ինչով կգերազանցի Փարիզի տարբերակը», - վստահություն է հայտնել ԱՄՆ նախագահը։
Հոկտեմբերին ԱՄՆ արարողակարգի ղեկավար Մոնիկա Քրոուլին հայտարարել է, որ Թրամփի առաջարկով Վաշինգտոնում կտեղադրվի հաղթական կամար՝ երկրի 250-ամյակի կապակցությամբ, և այն կկանգնի Արլինգտոնի գերեզմանատան և Լինքոլնի հուշարձանի միջև։
