«Ես ցավում եմ, որ Հայաստանի բարձրագույն պաշտոններ զբաղեցրած երկու անձինք
նման հայտարարություններով են հանդես գալիս։ Դա ըստ էության մի բանի մասին է խոսում՝
այս գործիչներն իրենց պաշտոնավարման տարիներին անկախ չեն եղել, կախված են եղել որևէ
այլ կենտրոնից և հենց այդ կենտրոնից ուղղորդվող թեզերով են հիմա առաջնորդվում ու Հայաստանին
մեղադրում 44-օրյա պատերազմը հրահրելու մեջ։ 2015 թվականի հոկտեմբերի 15-ին Ադրբեջանի
նախագահը «Ռիո Նովոստի»-ով նույն այն թեզն էր շրջանառության մեջ դնում, ինչ Ռոբերտ
Քոչարյանը՝ հայտարարելով, որ 30 տարվա բանակցությունները պարզապես աղբամանը նետվեցին,
և Հայաստանի գործող իշխանությունները, վարչապետը նոր մեկնարկային կետից սկսեց»,- մեկնաբանելով
Սերժ Սարգսյանի և Ռոբերտ Քոչարյանի հարցազրույցներում հնչած մեղադրանքները՝ ասաց ԱԺ
ՔՊ խմբակցության պատգամավոր Ռուստամ Բաքոյանը։
Իսկ Սերժ Սարգսյանի հարցազրույցի
մասին պատգամավորն ասաց, որ յոթժամյա մենախոսությունը ոչ մի բանի մասին էր, և հենց
այդ մենախոսությունն անել նոյեմբերի 7-ին, իր կարծիքով, էլի ուղիղ կապ ունի։
«Երբ իշխանության էին՝ 10 տարի
ՀՀ երրորդ նախագահի պաշտոնն է զբաղեցրել, դրանից առաջ պաշտպանության նախարարի և մի
շարք այլ կարևոր պաշտոններ է զբաղեցրել ուժային կառույցներում, արդյոք այդ հնարավորությունը
չի՞ ունեցել։ Ես վստահ եմ, որ այդ հնարավորությունը նրանք ունեցել են, եթե կախված չլինեին
այլ ուժից և ի շահ ՀՀ-ի գործեին, ի նպաստ մեր երկրի գործեին»,- հավելեց Ռուստամ Բաքոյանը։
Մանրամասն՝ տեսանյութում
Լիլիթ Թադևոսյան
